تكملة لأسئلة عادل إمام البايخة
بس بصراحة سؤال الحلقة مكانش بايخ ولا حاجة
وكمان انا حسيت إني اتزنقت وإن رقبتي بقت قد السمسمة
خاصة إني وعدتكم إن في حلقات تانية
فقلت هقولكم ايه معرفتش أجاوب علي أسئلته
وخاصة إن السؤال المرة دي
كان صريح جداً !!!!
وبسيط جــــــداً !!!!
ومباشر جـــــداً !!!!
ومفيهوش أي لف ولا دوران !!!
وعايز إجابة صريحة
وزي مانتم عارفين أنا بتاع لف ودروان
وكانت المفاجأة والطامة الكبري
السؤال
س: الرئيس حسني مبارك عمل ايه عشان الشعب يشتمه ؟؟
أنن أنن أنن
ولا هو عشان في ديمقراطية في البلد
تشتمه الريس والحكومة وكمان عيلته ؟؟؟
وبعد كده أنا عمري ما شفت حكومة في العالم بتشتتم إلا في مصر ؟؟؟
هو كده خلص كلامه !!!!!!
بيني وبينكم اتزنقت ووشي راح الوان ومعرفتش أقوله إيه
فقلت أسيبكم تجاوبه عليه يمكن تلاقوا إجابة مش عندي
باتري إجابتكم هتكون إيه ؟؟؟؟
انتظروا باقي الحلقات
صبراً علي المعتصم بالله
صلي علي النبي
صلي الله علي محمد
صلي الله عليه وسلم
هناك 26 تعليقًا:
السلام عليكم
اول تعليق
حضرتو بيسال عمل ايه
علشان الشعب يشتمو
طب انا مش مصرية
حسيب المصريين يجاوبو
بس لو كان سال عمل ايه
علشان اهل غزة يشتمو
مش حقدر اقول حاجة برضو
اصل من كتر عمايلو
الي ربنا ياخدو
دايما بنواسي نفسنا ونقول
الي مش بيرحم اهلو
حيرحم جيرانو ازاي
تحياتي
والله يا أخ طه
الاجابة كبيرة قوي
حتحتاج صفحات
د 27 سنة ياراجل
هنعد ايه ولا ايه
هقول
تزوير
ولا كوسة ومحسوبية
ولا فساد تعليم
وتدمير الصحة
ولا الاضرابات
ولا اعتقال الاصلاحيين
ولا سلام مع اليهود
ولا التصدير الغاز والاسمنت لليهود بأبخس الاسعار
ولا حصار غزة
ولا ايه ولا ايه
كفاية
.......................
ننتظر من حضرتك التفاعل مع نصرة المسجد الأقصى
وتفعيل ذلك في مدونتكم المتميزة
...........................
http://dactoor.blogspot.com/2009/09/blog-post_28.html
والله يااستاذ طه عمل كتير كتير كتير ربنا يسامحة لو واحد قالى اغتاله هقلة خسارة فى الطلقة الله يسامحة البعيد اكتر حاجة ضايقتنى وهو بيقول ((غزة محتلة مش اقدر اطلع حاجة ولا ادخل حاجة )) مش فاكر باقية الجملة طيب ياابن الحلال هى محتلة مش بتساعدها ليه الله ينتقم منه طيب ياابن احلال هى محتلة واسرائيل مالها ومال معبر رفح الله يسامحة وينتقم منه طيب ياابن الحلال هى محتلة واحنا قلنا لك اعطيها سلاح بنقلك اعطيها اكل وشرب
----------------
قراءة موضوع من د. رضوان قيادى فى حركة حماس http://qalbfars.blogspot.com/2009/09/blog-post_6658.html
------------
السلام عليكم
فعلا سؤال محرج
مازلت ابحث عن عيب واحد فلم اجد
مازلت ابحث عن ازمه واحده فى مصر فلم اجد
كل الجهود مبذوله لوطن مشرق
ومصر بتتقدم بينـــــا
اعتقد انه لا داعى للكلام فالوضع يشرح نفسه
ولم تعد لنا كرامه بين الدول ولا موقف حازم نقوم به للمسلمين
وحسبنا الله ونعم الوكيل
اللهم اهديه واصلحه
اختي سمسم سما
ربنا كرمك واترحمتي من اللي إحنا فيه
صلي علي النبي
تعليقاتك يا ضكتور دايماً مشرفاني
بس هنقول ايه حسبنا الله ونعم الوكيل
صلي علي النبي
قلب فارس
بالراحة علينا شوية خليها تعدي علي خير
هههههههههههههه
صلي علي النبي
طالبة الفرددوس
بصراحة لو هدي جايزة لأحسن إجابة
البلد صح مية المية
وإحنا اللي مفرتيين عليه
هههههههه
صلي علي النبي
أخي الكريم عاشق الجنة
وعليه أفضل الصلاة والسلام وعليك السلام وكل عام وأنت في صحة وسلامة مع خالص تحياتي والسلام ولا سلام مع قتلة الأنبياء والأطفال بني إسرائيل .
طيب انا عايزة اقول حاجة
الموضوع حلو ماشي
والاسئلة بتتسئل كتير فعلا برضه
بس طريقتك غريبة شويتين في الرد ولا انا بتهيألي؟؟
أما بأه الريس عمل ايه عشان يتشتم؟؟ فانا مش عايزة اجاوب ع السؤال ده الله يخليك أحسن انا قربت ادخل انام واخاف اجيب سيرته ع المسا كده يزرني في المنام :)
مها ميهوووو
احسن بس أنا مستاهلش والله ولا حاجة
هي الطريقة غريبة من غيظي وخنقتي من الناس دول ولاد الـــ
صلي علي النبي
اللهم صلي وسلم وبارك على حبيبك خير الخلق كلهم....
.....
دمت بخير
والله جزاكم الله خيرا على هذا المجهود الذي عهدناه منك فأنت دائما نشط ولديك طاقة يسر الله لك
مدونه جميله
كل سنه وحضرتك طيب
ان شاء الله تتكرر الزياره
دمتم بخير
شوشو
ازيك ياعمو
انا مبحش حسنى مبارك دا
علشان هو بيسلم على الامريكا
بس انا مبسوطة انى بزور مدونة
انا عملت حاجة جديدة ابقى شوفها
اللهم ىصلى وسلم وبارك عليه
السلام عليكم
اخبارك ايه يارب تكون بخير اشكرك من كل قلبى على سؤالك عنى وربنا يدم الود بنا يارب
وبصراحه مش هعلق على الموضوع لانى مش بحب اجيب سيرة الراجل ده
هههههههههههههه
تحياتى
ارجوكى الاطلاع على الرابط
ستجد ان حركة حماس حركة فاشلة اقولها وبدون خوف بدون كسوف ادخل وعايز اشوف ردك
http://qalbfars.blogspot.com/2009/09/blog-post_30.html
السلام عليكم ورحمة الله
معذرة على التأخير فى الرد فهذا خطأ غير مقصود
تسرنا مشاركتك معنا فى الرابطة ومدونتك قد استوفت شروط الانضمام
وقد تم بالفعل ضمهما لقائمة المشاركين
نتمنى منك وضع شعار الرابطة فى مدونتك ومشاركتنا فهناك الجديد بإذن الله عما قريب .
نائب المشرف العام
أبو مريم : "كلمة حق "
السلام عليكم ورحمة الله وبركاته
وبي النسبه لي اجابة السؤال
فا انتو بتشتمو في الريس ليه
دا حتي راجل طيب هيذكر بعض اعمالو
الفاضله
البطالة
والكوسه
والتزوير
وقفل المعابر
ولا تصدير الغذاء لي
الجنود الي بيقتلو اخوانا في غزة
ولا اعتقال المتدينين
وغيرو وغير
شفتو الراجل طيب ازاي مفيش احسن من كده
حد كان بيحلم بكده
..................
اشكركي اخي علي هذه المدونة
الرائعه
وادعوك لزيارة مدونتي
بئر الجنة
http://tasnem300.maktoobblog.com/
اختك مسلمه
أختي نهار
مصري إخواني
شوشو
زيارتكم أسعدت قلبي ونورت مدونتي
دمت بكل خير
ويبقي التواصل
صلي علي النبي
عزيزتي تويتي
ازيك يا قلب عمو
مقالك الاخير جميل
ربنا يجعلك زخر للاسلام والمسلمين
صلي علي النبي
قلب فارس
أطلع من دول
إحنا عارفين الحركات دي
ههههههههههههه
صلي علي النبي
اشكرك اخي
عاشق الجنة من الاخوان
الذي زاد مدونة
تئلقا وجمالا
مسلمه
http://tasnem300.maktoobblog.com
أختي تسنيم نورت المدونة بزيارتك الجميلة
صلي علي النبي
السلام عليكم ورحمة الله وبركاته
ايه السؤال الذكى ده؟
طبعا بيتشتم عشان احنا بنهاجم الكوويسين اللى مش بيعملو حاجة
مش بيعملو حاجة خالص
لما يشوفو حال البلد كل يوم فى النازل مش بعملو حاجة
لما يلاقو الناس بتموت فى طابور العيش مش بيعملو حاجة
لما بيشوفو الجهل موجود بطريقة غريبة مش بيعملو حاجة
لما الشباب ميلقوش شغل ويقعدو على القهاوى مش بيعملو حاجة
لما الاطفال(الملائكة) تموت من الجوع مش بيعملو حاجة
لما اخواتنا يكونوا بيموتو فى فلسطين مش بيعملو حاجةلما.......
أنا تعبت أوى أنا لو قعدت اقول كده لبكرة مش هخلص بس واضح ان هما مش بيعملو حاجة خالص عشان كده مش المفروض اننا نشتمهم خالص بجد لانه لما يكون فى حد كده مش المفروض اننا ناخد سيئة عشانه لانه اقل من اننا نضيع ثانية واحدة من وقتنا فى الكلام عنه حتى
وبعدين ربنا لما بيحب حد
بيحبب الناس فيه وده واضح اوى ان الكل بيموت فيه
إرسال تعليق