مذكرات إخواني في صعيد الجامعة الجواني

موقف جميل حدث معي وانا في الكلية

الزمان : اول يوم في الترم الاول في سنة رابعة

المكان : مسجد كلية تجارة في المحراب بالضبط

بينما كان اول يوم في الدراسة وقفت أصلي الظهر وبعدها قمت بإلقاء كلمة في المسجد ( طبعاً كانت جميلة جداً عشان انا اللي قولتها )

وبين وبينكم اتورطت في عمل مسابقة

فسألت

س : من هي أول شهيدة في الاسلام ؟

ج : قام احد الحضور وأجاب هي السيدة سيمة بنت الخياط

فأجبته قائلاً جزاكم الله خيراً الاجابة صحية وهي السيدة سمية بنت الخشاب

وخرجت من المسجد إلي مكان تجمع الأخوة وانا مش واخد بالي

من حاجة خالص

ولقيت أخوي وحبيبي الدكتور حازم الحداد بيقولي

مين سمية بنت الخشاب دي يا طه

بقوله سيمة بنت الخشاب مين ؟ قالي مش أنت قولت إنها

أول شهيدة في الاسلام

فضحكت ووقفت حائراً وقلت له هي

اسمها سيمة بنت ايه بس هي ينت واحد صنايعي

مش كده برده ولا ايه

وللأسف كانت فضيحتي بجلاجل في الجامعة كلها أمام

الاخوة إن الشيخ طه يعرف سمية بنت الخشاب

وكمان برده صاحبي وحبيبي إيهاب أبو الفتوح

جاء يوم الفرح بتاعي وسألني أمام الناس كلها في النادي

مين هي أول شهيدة في الاسلام

فرددت ضاحكاً وقلتله السيدة سمية بنت الخشاب

وهكذا تذهب الأيام الجميلة ولا يتبقي منها إلا ذكرى

صلي علي النبي

صبراً علي المعتصم بالله