صرح الرئيس مبارك بأن كرامة المصريين من كرامة مصر
وأعرب عن إحتجاجه عن رد فعل الجزائر ولن يتهاون في الرد علي إهانة المصريين في الخارج
ورغم فرحي الشديد بهذا التصريح إلا أنها فرحة لم تكتمل فسرعان ما تذكرت
1-عشرات المرات التي يقتل فيها جنود مصريين
علي الحدود المصرية الاسرائيلية ولا نسمع رد
2- وتذكرت مروة الشربيني ولم نسمع تعليقاً واحداً
وتذكرت كرامة المصريين داخل وما يحدث فيها للمصريين
*المحسوبية والوساطة وولاد الكبار وباقي الشعب ولاد .......
*تحويل المدنيين إلي محاكمات عسكرية
*تزوير الانتخابات لمجلسي الشعب والشوري والمحليات
*عبارة السلام وقطر الصعيد وبيت ثقافة بني سوبف
- وهنا أحسست بقلم يفرقع علي قفايا انت بتتكلم علي أسيادك يا .....
فعلمت أنها هذه هي كرامتي التي تحدث عنها الرئيس
ولا حول ولا قوة إلا بالله
صبراً علي المعتصم بالله
اللهم رد إلينا المعتصم رداً جميلاً
صلي علي النبي
صلي الله علي محمد
صلي الله عليه وسلم
هناك 20 تعليقًا:
الصبر
الصبر ياااااااا رب
نقول برضه الحمد لله يمكن تكون انفراط للعقد وربنا يسهل والمصريين بعد كده يتحركوا زى المرة دى
طه جبت صورتي منين .. وكاتب عليها من أجلك انت .. صحيح بس مش من اجلي لوحدي .. شعب مصر كله معايا
بس انت جبت الصورة دي منين .. اول صورة الأخ بينضرب وانا لابس ازرق بخطوط بيضا بالعرض .. ده كان اليوم اللي بعد الحكم في العسكرية .. وكان يوم اربعاء .. وأخذت فيه ضربه .. لا أنساها
السلام عليكم
اللهم صلي على محمد واله وصحبه اجمعين
انا لما سمعت كلامو عن الكرامة
استغربت
قدام اليهود متل الفار
بس عالجزائر اسد
ما حدا هدر كرامة المصريين دو
تحياتي
محمد خيري
أه اللي بينضرب ده عبد الرحمن عزت اخ من الهرم بس عسل
يلا ربنا يجعل الضرب ده في ميزان حسناتنا
صلي علي النبي
انا شاكك ان ورا الموضوع حاجه كبيره .. عشان مش طبيعى الموضوع ده والشحن ده .. الموضوع كبير والايام حتبين ايه اللى ورا الموضوع
كل عام وانت بخير ويعيده الله عليك وانت فوق عرفات ان شاء الله
مش عايزين نظلم الراجل برضو
ليه بقى
قولتلي ليه
لانه مش لواحده
ده حواليه نظام كامل متكامل هو اللي بيتحرك وبيقوم بالتنفيذ
يعني سلطة تنفيذية
واحد يعيني هيعمل ايه في وسط كل دول
يلا بقى نصيبنا كدة
وعاشت مصر حرة مستقلة
تحياتي
مخدر
كلمتين تسكين للشعب عشان ينسىىىى
لنا الله وليس لنا الاه
السلام عليكم ورحمه الله وبركاته
جزاك الله خيرا على الموضوع
فى انتظار زيارتك ورايك فى تحليل شامل لما حدث بين مصر والجزائر
والله يا طه
انت اتكلمت بلسانى
الراجل ده فاكر انه بياكل عقلنا
وسبحان الله بيستفيدوا من النصايب برضه لصالح ولاده
دا هو اساس كل الغلب اللى فى مصر
وفعلا زى اخى صاحب مدونة( مدونون من اجل الاقصى) مقال..فار قدام امريكا واسرائيل
واسد على اخته فى العروبه والدين والتاريخ(الجزائر )
اصحى يا شعب ولاتبيع عقلك بكوره قدم
هى دى الخيبه اللى فرحانه فيها اسرائيل
اللهم صلى علي سيدنا محمد
كلام جميل
ربنا يكرمك
هو كويس طبعا ان يكون فيه اهتمام بالمصريين فى السودان او فى الجزائر ولكن عشان نصدق ان الموضوع مهتمين بيه حول موضوع الكرامه يبقى نشوف بأه الملفات كلها
زي العشاكر اللى قتلها الصهاينه فى الحدود
والناس اللى شغاله بره وممكن تتعرض لمضايقات فلازم السفاره تقف جنبهم
كمان الناس اللى بتعتقل رغم انهم معملوش حاجه والدليل ان كتير جدا منهم بياخدوا براءه من المحاكم المدنيه
فيه كتير من المواقف
ربنا يصلح الاحوال
السلام عليكم
نعم اخى كرامتنا عند لا توجد ولاكن عند العرب تقام الحروب
اختي مي
بصراحة انا مش معاك خالص
ده لا انفراط عقد ولا حاجة
دي سياسبة عشان يلخموا الناس والتوريث جاي وحسبنا الله ونعم الوكيل
صلي علي النبي
سلامة قفاك ياجميل..هو بخير دلوقتي :)
على النبي الصلاة والسلام.
معرفش يتكلم غير في دي ز
بيقولك مرة واحد قال لأبوة علمني الهيافة ، فقاله : تعالى في الهايفة و اتصدر
ازيك ياعمو
انا جيت اقولك انى اخدت شهادة تقدير فى المدرسة النهاردة
حبيبتي تويتي
ألف ألف مبروك ويارب دايماً كده متفوقة
وربنا يوفك إن شاء الله وتنفعي الاسلام والمسلمين
صلي علي النبي
كل عام وانتم بخير والى الله اقرب وعلى طاعته ادوم ..لاتنسونا غدا من الدعاء
كل عام انتم بخير
تقبل الله منا ومنكم صالح الاعمال
والله أنا حاسه ان الانتخابات اللى جايه هتبقى نزييه والشعب هيفضل زيى ما هو بصراحه كده الشعب ده شعب فاضى ومصدق يشغل دماغه فى حاجه وعيب علينا اوى لما نجتمع على متش كوره ومش عارفين نجتمع بس علشان ندعى للقدس
تحياتى وعذرا على الغياب
إرسال تعليق