الحب المظلوم

أولاًُ : السلام عليكم ورحمة الله وبركاته

بجد أنت واحشيني جداً مع إني زعلان عشان في مدونين كتير

مسالوش علي بس برده انا مسامحهم

المهم ندخل في صلب الموضوع من غير رغي

الحب المظلوم

دائماً ما نسمع الشكوي ونقرأ المقالات والبوستات والتدوينات

في كل مكان وفي كل مجال بالحب اللي جرح قلبها

والحب اللي جرح قلبه وإنه كره الحب وكرهت الحب

وقررت ما تحبش حد تاني وقرر ما يحبش حد تاني

بس بصراحة انا شايف إننا ظلمنا الحب معانا

سؤال قريته في مدونة إيناس عن كيفية إختيار الحب بالعقل ولا بالقلب ولا بالأثنين معاً

رأيي إننا نختار الحب بالقلب ونعرضه علي العقل ونشوفه مناسب ولا مش مناسب

بس نحب مين وازاي وفين

أسئلة عايزة إجابة

س: فين الحب الطاهر اللي لا فيه جرح ولا ظلم لحد

س : فين الحب الطاهر اللي بيتم في النور

مش في الظلام امام الناس كلها من غير كسوف ومن غير خوف احسن حد يشوفك

س : فين الحب اللي بيتم بناء علي أسس وصفات

مش حب من أول نظرة وهو حبها عشان هي جميلة وهي حبته عشان مسمسم وروش

يعني بإختصار

س : فين الحب الحلال اللي أمر بيه ربنا والرسول صلي الله عليه وسلم

وفين وفين وفين

صبراً علي المعتصم بالله

صلي علي النبي

صلي الله علي محمد

صلي الله عليه وسلم